Boston Massatjúsetts

Gott kvöldið.

Heyrðu... Skrapp með Laugu til Boston á föstudag.  Stelpan að vinna sitt síðasta flug fyrir sumarfrí.  Einnar nætur stopp þar á ferðinni og One bara nokkuð sáttur við túrinn.  Snilldarborg í alla staði það litla sem maður sá af henni.  3,2 kg steik hesthúsuð á föstudagskvöldinu ásamt smá rölti í ljósaskiptunum.  Laugardagurinn svo bara tekinn í ráp um borgina í ca 27 stigum og sól.  Staupasteinn m.a. sóttur heim en annars bara rólegheit, tel mig hafa haldið Laugunni sæmilega í skefjum þennan dag...

 

Sat annars við hliðina á flottum pósti á leiðinni út.  Herðasítt ljósbrúnt hárið sem tekið var að þynnast að ofan vakti strax óskipta athygli mína.  Er ekki vanur að ræða við ókunnuga, hreinlega nenni því ekki og sé yfirleitt ekki tilgang með því.  En það var e-ð spennandi við þennan mann og sérstaklega þegar hann tók upp eigin "headphona" sem hann stakk síðan í VASADISKÓIÐ sitt!  Hafði ekki séð svoleiðis furðugrip síðan 1985, er ég keypti eitt slíkt apparat í fríhöfninni á leið á Gothia Cup í Gautaborg.  Þetta er svona tæki sem spilar snældur, þið vitið.  Flest okkar eiga iPod í dag...  Átti gott spjall nánast alla leið vestur um haf við þennan hálfa Dana og hálfa Bandaríkjamann sem ólst upp í Bronx þangað til hann varð 17 vetra.  Síðustu 37 árin hefur þessi undarlegi maður búið í Silkeborg og starfar sem gítarviðgerðarmaður.  Kaupir skemmda gripi frá USA og gerir við á verkstæði sínu í þessu fallega jóska þorpi.  Talið barst víða, Watergate hneykslið, Víetnam, heimsku Bush forseta, Kennedy og hvernig talið var að hann hafi keypt sig á forsetastólinn, Bronxárin, Peter Brixtofte og margt fleira enda tæplega 5 tíma flug til Boston.  Afar athyglisvert og fróðlegt flug.  Þjónustan einnig frábær í þessu flugi :) 

Kom einnig í ljós í ferðinni hversu ógurlega "paranoid" Kaninn er.  Þótti nógu grunsamlegur við komu okkar til Boston að ég var skoðaður nánar.  Þó ekki með plasthönskunum, en gert að hinkra í hliðarherbergi á meðan verið var að athuga tengsl mín við Al Qaeda.  Tvisvar spurður við hvað ég starfaði á Íslandi og svaraði ég rétt í bæði skiptin!  Hvarflaði ekki einu sinni að mér að koma með léttan fimmaur á þetta og svara sprengjuframleiðslu eða þvíumlíkt.  Nei, það gerir maður víst ekki þarna.  Þessum fíflum þykir svoleiðis húmor ekki fyndinn.

 En, sem sagt, gott uppbrot í tilveruna og fínasti túr í alla staði.  Fer pottþétt þangað aftur, náði nefnilega ekki að kíkja í Samuel Adams bjórverksmiðjuna sem er að sjálfsögðu algert "must".

Jæja, heyrumst fyrr en síðar.

eg

Athugasemdir

[Sigurlaug Kristjánsdóttir, 14.7.2007 kl. 00:38]

KLUKK min skat! Núna verður þú að skrifa 8 staðreyndir um sjálfan þig og segja hver klukkaði þig og klukka síðan 8 í viðbót og segja okkur hverjir það eru. Flókið? Ég veit það...enda er ég snillingur í að gera einfalda hluti flókna eins og þú veist manna best

[Snæþór Sigurbjörn Halldórsson, 23.7.2007 kl. 15:14]

Sammi Adams er góður. Samt ekki jafn góður og Jan Molby. Hann var góður.

Mæli samt sérstaklega með kjúklingabaunabuffinu á fimmtu á morgun.

Að lokum hef ég ákveðið að kaghíða þig með bananum sem þú skildir eftir á svölunum á annari þegar þú kemur aftur þar sem þú sveikst undan að hjálpa til við flutningana. Reyndar óheppinn þar sem að Breiðavíkurgengið ákvað að verðlauna alla burðarmennina með fríum bjór og Terrano II.

Djö.