Hitt og þettað...

Jú sæl veriði.

Spilaði minn fyrsta leik í utandeildinni um daginn með liði mínu, BYGG.  Liðið nefnt eftir aðalstyrktaraðilanum.  Kom mér á óvart hve mikið af peningum er í gangi í þessari deild og menn að þéna hreinlega eins og þeir fái borgað fyrir það...  Náði reyndar ekki að klára leikinn sökum spjaldaglaðs dómara sem ákvað að afhenda mér tvö gul kort í síðari hálfleik.  Afplánaði því bann í okkar næsta leik sem endaði með jafntefli, líkt og sá fyrsti.  Erum því með 2 stig eftir 2 leiki af 9 og menn bara nokkuð brattir eftir þessa byrjun.  Bendi fólki á www.gras.is til að skoða framgöngu BYGGs í sumar.

Var á Kópavogsvelli í gær að horfa á Kópavogsstórveldið Breiðablik valta yfir HK, 3-0.  Kom berlega í ljós hvort þessara liða er stóri bróðir og hvort er litla systir...  En gaman að svona "derby" leikjum og one vonar að HK haldi sæti sínu svo þessir leikir fari fram á hverju tímabili.

Sá svo mína menn í Val rúlla yfir FH í kjvöld, 4-1, og hleyptu smá spennu í þetta mót aftur.  Því ber að fagna og geri ég það hér með... VÚHÚ!!

Tók rónann á þetta á laugardaginn ásamt Laugu og Mr. Frodo.  Hertókum bekk við Jón Sig. vopnuð hvítvíni og bjór og sötruðum þetta í rólegheitum í glampandi sól og þokkalegasta hita.  Sjálfsagt verið litin hornauga hér og þar og þetta hátterni vafalaust fallið í grýttan jarðveg og hrjóstruga fjöru.

eg

Athugasemdir

[Sigurlaug Kristjánsdóttir, 27.6.2007 kl. 23:43]

Það var samt frekar vandræðalegt þegar Fróði var farinn að hegða sér dólgslega sökum ofdrykkju og ældi í blómabeðin...en þetta var svaka stuð!  

[Elvar Guðmundsson, 28.6.2007 kl. 09:05]

Jú, jú, hann missti sig þarna á smákafla, en klárlega ekkert sem þarf að hafa áhyggjur af.  Pabbi hans hefur oft lent í svona hlutum.